Kathura

Friday, February 23, 2018

ආදරයෙන් පිරුණු සිප ගැනීමක් විස්තර කිරීමට, ප්‍රමාණවත් වචන මේ ලොව නැති බවයි බොහෝ දෙනා පවසන්නේ. මන්ද හැඟීම්බර එවැනි සිප ගැනීමක් දෙදෙනාටම ගෙන එන්නේ, වචනයෙන් කිව නොහැකි හැඟීම් රාශියක් නිසයි. සිපගැනීම, චුම්බනය, හාදුව නැතහොත් බොහෝ දෙනා දන්නා kiss යන පදයෙන් විස්තර කෙරෙන මෙම ක්‍රියාවලිය, බොහෝ ඈත ඉතිහාසයකට උරුමකම් කියන්නක්. කෙසේ වුවද, මෙම හාදුව යන්න විවිධාකාර විය හැකි බවට මතයක් පවතී. සමහර විට එය ඉතා ආදරණිය එකක් විය හැකියි. නැතහොත් කම්මැලි හෝ සිත් කලකිරවන්නක්ද විය හැකියි. තවත් විටෙක එය බැඳීම් වැඩි කරන, මිහිරි, දැඩි හෝ ප්‍රබල එකක් විය හැකියි. සමහරවිටෙක ඔබ නොසිතූ ලෙස එය ජීවිතය වෙනස් කරන හෝ අවුල්කරන්නක්ද විය හැකියි. මේ කවර අයුරින් වුවත්, ඔබගේ ජිවිත කාලය තුල කිසිවෙකුගෙන් හෝ ඔබට හාදුවක් නොලැබී ඇතැයි පැවසුවහොත්, එය කිසිවෙකුත් විශ්වාස නොකරනු ඇත. හාදුවක් තුලින් ලැබෙන ප්‍රයෝජන ගැන ඔබ මෙතෙක් දැන සිටියාද....?






මෙහි විස්තර කරන්නට යන්නේ, ආදරයෙන් වෙලී සිටින දෙදෙනෙකු අතර ඇතිවන ආදරබර හාදුව ගැනයි. තොලට තොල තබා සිදුවන මෙම ආදරබර හාදුව තුලින් දෙදෙනෙකු අතර ඇති සම්බන්ධතාවය හා බැඳීම ඉහල යන බව සොයාගෙන ඇත. විශේෂයෙන් සරාගී සිප වැළඳ ගැනීමකදී (smooch) ඔබගේ ශරීරයේ සිදුවන හෝර්මෝන නිකුත්වීම ඉහල යන අතර, ඔබගේ මනෝභාවය (mood) හොඳින් වැඩවා ගැනීමටත්, නිරෝගී හදවතක් හිමිකර ගැනීමටත් එය ඉවහල් වන බව පර්යේෂණ මගින් හෙළිවී ඇත. ඔබගේ බැඳීම හා ආදරය ප්‍රකාශ කිරීමේ හොඳම ක්‍රමයක් ලෙසද මෙය හඳුන්වා දී ඇත. ඒ අනුව සරාගී සිප වැළඳ ගැනීම මගින් ඔබව නිරෝගී කර, වෛද්‍යවරයාගෙන් ඈත් කර තැබිය හැකි බවටද ප්‍රකාශ වේ. ඊට අමතරව පහත සඳහන් කරුණු ඔස්සේද එය විග්‍රහ කල හැක.

1) ආදරයෙන් වෙලුනු සරාගී චුම්බනය ඔබගේ ශරීරයේ කැලරි දහනය කරයි.

ඔබ මේ කටයුත්තේ නිරත වන විට, ඔබ නොදැනුවත්වම ශරීරයේ කැලරි දහනය වේ. ආදරබර සරාගී සිප ගැනීමකදී කැලරි 8-16 අතර ප්‍රමාණයක් විනාශ වන අතර, එය පැය කිහිපයක් ව්‍යායාම කිරීමට සමානය. ඒ අනුව ඔබගේ නිරෝගිකම ඉහළයාම නිතැතින්ම සිදුවේ.

2) සරාගී හාදුව ඔබගේ මුහුණට උත්තේජනයක් ලබා දේ 

බොහෝ දෙනෙකුගේ මුහුණට වයස්ගත පෙනුමක් හිමිවන්නේ, ඔවුනගේ බෙල්ලේ සහ හකු වල පෙනුම අනුවය. ගැඹුරු හාදුවක් තුලින් එම ස්ථාන ක්‍රමානුකුල හැඩ ගැසීමකට ලක්වන අතර, එමගින් ඔබගේ වයස්ගත පෙනුම අඩු වනු ඇත.

3) හාදුව ඔබගේ සතුදායක හෝමෝන ඉහල නංවනු ඇත.

ප්‍රේමනීය හාදුව ඔබගේ සුවය වැඩීමටත්, නව ජීවයක් ගෙන දීමටත්, සැහැල්ලු බවටත් උපකාරී වේ. ඒ අනුව තෙහෙට්ටුවට පත්ව සිටින මොහොතක සිදු කරන සිප ගැනීම මගින් ඔබට නව ජීවයකින් කටයුතු කිරීමට මග සැලසේ.

4) ගැඹුරු සිප ගැනීම ඔබගේ දත් රෝග නිවාරණය කරයි. 

ගැඹුරු සිපගැනිමකදී ඔබගේ මුවයෙන් මතුවන කෙල ප්‍රමාණය ඉහල යන අතර, එහි ප්‍රතිපලයක් ලෙස ඔබගේ දත්වල බැඳෙන මැලියම් සෝදා හැරීමක් එතුලින් සිදුවේ. එහි ප්‍රතිපලයක් ලෙස දත් වල ඇතිවන කුහර අඩු වීමක් නිතැතින්ම සිදුවනු ඇත.

5) හාදුව පුද්ගලයෙකුගේ ආත්ම විශ්වාසය නැතහොත් ආත්මාභිමානය ඉහල නංවයි.

ජර්මනියේ සිදු කල අධ්‍යයනයකදී හෙළිවී ඇත්තේ, උදෑසන රැකියාවට සඳහා පිටත්වී යාමට ප්‍රථම, සිය බිරිඳගෙන් ආදරබර හාදුවක් ලබන පිරිමින්, අනෙක් අයට වඩා හොඳින් මුදල් උපයන බවයි.  නැතහොත් ඔවුන් ඉතා උද්යෝගයෙන් සිය රාජකාරියේ නිරත වන බවයි.

6) හිසරදය හා මාසික ඔසප් වේදනාවන් පිටුදැකීමට හාදුව ඉවහල් වේ.

හිසරදය හෝ මාසික වේදනාවලින් පෙලෙන විට සිදුකරන ගැඹුරු සිපගැනීම්, ඒ වේදනාවන් සමනය කිරීමට ඉවහල් වන බව සොයාගෙන ඇත. ඒ අනුව එවැනි වේදනාවලින් පෙලෙන විට, කල් නොදමා ඔබගේ සහකරු හෝ සහකාරිය සමග ගැඹුරු සිපගැනිමක නිරත වීම තුලින් එය මග හරවා ගැනීමට ඔබට හැකිවේ.

7) සිපගැනීම රුධිර පීඩනය අඩු කර ගැනීමට ඉවහල්වේ.

ඔබ ඔබගේ සහකරු හෝ සහකාරිය සමග ප්‍රේමාන්විත සිප ගැනිමක නිරතවනවිට, ඔබට නොදනිම ඔබගේ රුධිර පීඩනය යථා තත්වයට පත්වේ. ඒ තුලින් ඔබගේ ශරීරයේ සියලු වැදගත් අවයව වලට හොඳ රුධිර සැපයුමක් හිමිවේ.

8) හාදුව, ඔබගේ සහකරු හෝ සහකාරියගේ මානසිකත්වය පෙන්නුම් කරයි.

ඔබ ප්‍රථම හාදුව පිරිනමන විට, ඔබ හා සහකරු තුල කිසියම් කැළඹීමක් හෝ ලජ්ජාශීලි බවක් ඇතිවීම ස්වභාවිකය. එහෙත් එය ගණන් ගත යුත්තක් නොවේ. කෙසේ වුවද ඔබ මදක් එහි නිරතව සිටින විට ඔබගේ සහකරු හෝ සහකාරියගේ හැඟීම් හා අවශ්‍යතා වටහා ගැනීම සඳහා එය මහෝපකාරී වේ. ඒ තුලින් ඉදිරි පියවර ගැනීමට අවශ්‍ය කරන පසුබිම සැකසීමට, ඔවුනගේ මානසිකත්වය වටහා ගැනීමට හාදුව ඉවහල් වේ. 

Tuesday, January 30, 2018


දුම්පානය කිරීම යනු 99% ප්‍රතිශතයක් පෙනහළු පිළිකා ඇතිවන ඉතා හානිදායක පුරුද්දක්. ලොව පුරා සිටින මිනිසුන් බිලියන 1.1 කට අධික ප්‍රමාණයක් දුම්පානය සිදු කරන අතර මේ ක්‍රියාව නිසා ඔවුන්ගෙන් 50% පමණ මරණයට පත් වනවා.



දුම්පානයට හුරු වූ අයෙකුට ඇතිවන සුලබ රෝග:

·         රාත්‍රී නින්ද නොයෑම
·         අසාරතාවය
·         හෝමෝන අසමතුලිතතාවය
·         Gastrointestinal ගැටළු
·         ඔස්ටියෝපොරෝසීස්
දුම්පානය කරන ඕනෑම අයෙක් නිකොටින් සඳහා ඉක්මණින්ම ඇබ්බැහි වනවා. මේ ආකාරයට ඇබ්බැහි වූ අයෙක් නැවත නැවතත් නිකොටින් ශරීරයට ලබා ගැනීම සඳහා පෙළඹීම සාමාන්‍ය කරුණක්.
ඇත්ත වශයෙන්ම නිකොටින් සඳහා ඇබ්බැහි වූ අයෙක් එය අතහැර දැමීම කොකේන් හෝ හෙරෝයින් ඇබ්බැහි වීමකින් ගැලවෙනවාට වඩා අපහසු කරුණක්.  
දුම්පානය කරන පුද්ගලයෙකුට වැඩි වශයෙන් විවිධ අතුරු ආභාද ඇති වන්නේ ශරීරයට අත්‍යාවශ්‍ය වන ප්‍රතිඔක්සිකාරකයන් වන විටමින් C සහ E, බීටා කැරොටීන්,  glutathione”, ubiquinol සහ alpha-lipoic අම්ල යන දෑ ශරීරය තුල හිග වීම නිසයි.
මේ ආකාරයේ පෝෂණයන් ශරීරයට ලබා ගැනීම සඳහා විවිධ ඖෂධ වර්ග තිබුනත් මෙවන් දෑ ශරීරයට ලබා ගැනීමට ඇති හොඳම ක්‍රමවේදය වන්නේ සෞඛ්‍යය සම්පන්න ආහාර පරිභෝජනය කිරීමයි.
දුම්පානය අතහැර දැමීමට වෙර දරන අයෙක් සඳහා ඇතිවන නිකොටින් ඇල්ම නැති කර දමන පහසු ක්‍රමවේද කිහිපයක් පහත සඳහන් වනවා.
1.       මැග්නීසියම්
මැග්නීසියම් මගින් ශරීරය තුල dopamine නිකුත් කිරීම වේගවත් කරන නිසා මැග්නීසියම් මගින් නිකොටින් ඇල්ම නැති කර ගන්නට පුළුවන්.
මෙම ඛනිජ වර්ගය මගින් මොළයේ neurotransmitter ලිහිල් කර නිකොටින් සඳහා NMDA ප්‍රතිග්‍රාහක වලට සිදු කරන බලපෑම අඩු කරනු ලබනවා.
මේ නිසා දුම්පානයෙන් ඉවත් වන්නට උත්සහා කරන අයෙක් මැග්නීසියම් බහුල ආහාර ලබා ගැනීම වඩාත් ඵලදායී වනවා.
2.       මෝහන චිකිත්සාවන්
දුම්පානය සඳහා ඇබ්බැහි වූ අයෙකු මෝහනය කිරීම මගින් ඔහුගේ ඇල්ම යම්තාක් දුරට අඩු කරන්නට පුළුවන්.
මේ සඳහා මෝහන වෛද්‍යවරයෙකුගේ සහාය පතන්න.
3.       කටුචිකිත්සාව
දුම්පානයට ඇති ඇල්ම වළක්වා ගන්නට භාවිතා කල හැකි තවත් එක සාර්ථක ක්‍රමවේදයක් තමයි කටුචිකිත්සාව. කටුචිකිත්සාවට අනුව ශරීරයේ විවිධ ස්ථාන මුඛය, දිව සහ ශ්වසන මාර්ගය වැනි ස්ථාන වලට සම්බන්ධ වනවා. පළපුරුදු චිකිත්සකවරයෙක් මුණගැසී මෙවන් ස්ථාන චිකිත්සාවට ලක්කිරීමෙන් නිකොටින් සඳහා ඇති වන ඇල්ම අඩු කර ගන්නට පුළුවන්.
4.       ව්‍යායාම
දුම්පානය කිරීමට සිතුනු අවස්ථාවක විනාඩි පහක පමණ කාලයක් ව්‍යායාම වල යෙදීම මගින් දුම්පානය සඳහා ඇති වන ඇල්ම තාවකාලිකව අඩු කර ගන්නට පුළුවන්.  
5.       නිකොටින් ප්ලාස්ටර් “Nicotine patch
මෙය නිකොටින් ප්‍රතිස්ථාපන චිකිත්සාව nicotine replacement therapy (NRT) ලෙස හඳුන්වනු ලබනවා. varenicline සහ bupropion යන ඖෂධ වර්ග දෙක එක්ව සැදුම්ලත් ප්ලාස්ටර් වඩාත් ඵලදායී වනවා. සම හරහා ශරීරයට නිකොටින් නිකුත් කරන මෙම ප්ලාස්ටරය සම මත අලවා ගැනීමේ වාර ගණන යම් අයෙක් දිනකට පානය කරනු ලබන දුම්වැටි ප්‍රමාණය අනුව වෙනස් වනවා.
6.       දෙහි
ලෙල්ල සහිත දෙහි කැබැල්ලක් ගෙන හපන්න. දෙහි සතු විටමින් C සහ ප්‍රතිඔක්සිකාරක නිසා ඔබට ඇතිවන නොකොටින් ඇල්ම අඩු කර ගන්නට පුළුවන්.
7.       ගන්ධය ආග්‍රහණය කිරීම
එක්තරා අධ්‍යයනයක් මගින් දුම්පානය කරන නිකොටින් ඇබ්බැහිවීම අදියර දෙකෙහි පසුවන පුද්ගලයින් පිරිසකට දුම්වැටිවල ගන්ධය සහ කුණු වූ බිත්තර හෝ කුණු වූ මාළු වල ගන්ධය ආග්‍රහණය කිරීමට ඉඩදී තිබෙනවා. මෙම අධ්‍යයනයට අනුව මෙම කාලය තුල ඔවුන් අඩුවෙන් දුම්පානය සිදු කල බවත් වාර්තා වනවා.
8.       භාවනාව
දුම්පානය අතහැර දැමීමට උත්සහා කරන අයෙක් භාවනා ක්‍රම ප්‍රගුණ කිරීම ඒ සඳහා උපකාරයක් වන බවත් විවිධ අධ්‍යයනයන් මගින් තහවුරු කර තිබෙනවා.

Saturday, August 26, 2017

කසළ කළමනාකරණය මෙහෙම කරමු කැළි කසළ ප්‍රශ්නය ශ්‍රී ලංකාවට පමණක් නොව මුළුමහත් ලෝකයටම බරපතළ ගැටලුවක් බවට පත්ව තිබේ. ජනගහනය


2017 පෙබරවාරි මාසයේ දිනක ශ්‍රී ලංකාවේ දකුණු වෙරළ තීරය ආශ්‍රිත මුහුදේදී අසාමාන්‍ය ලෙස වර්ණවත් වූ කුඩා බැලීන් තල්මසකු (Baleen whale) සාගර ජීවවිද්‍යාඥවරියක වන ආශා ඩී වොස්‌ මහත්මිය විසින් දැක ඇති අතර


අනෙක් හැමදේම ගැන හිතන්න කලින් ඔබ ඔබේ ශරීරයට ආදරය කරන්න. එය හොඳින් රැක බලාගන්න. බඩගිනි වුණොත් ඒ වෙලාවට කනවා වෙනුවට,